Yahoo财经Facebook打败左传媒

科技巨擎最近股价节节上升，美国方面称佢地为 FAAMG，即 Facebook、Apple、Amazon、Microsoft 及 Google。

这五家科技巨擎各有强项，由今个星期开始，石先生同大家睇返呢五间备受关注慨公司到底发展成点，未来又可以系点。

Facebook，你我他都有用慨 Social Network，喺大家眼中佢系消闲，留意朋友动态慨地方，加埋佢旗下慨 WhatsApp、Messenger 及 Instagram，作为一个城市人要脱离 Facebook 慨魔掌真系唔容易，而沟通似乎系佢最大慨卖点。

但 Facebook 真正赢慨唔系沟通，系赢咗成百年来无咩点转变慨传媒。以前传媒最大慨优势系传播渠道，商家有嘢想话畀消费者知，揾传媒都算系最有效慨方法，但今时今有嘢想同消费者讲？揾 Facebook，佢帮你揾想要慨人出来，连以前赚开呢啲广告钱慨传媒都要畀返钱 Facebook，你话佢有无钱途。

有 Facebook 后，人人都系记者，边到撞车有意外，你去啲交通消息 Group 仲快过即时新闻，连 999 都未收唔到 call 慨，Facebook 一样有，试问传媒又点斗。

自传媒呢个行业出现以来，从来都未试过被淘汰，但而家连被称为龙头慨《苹果日报》都要外判，炒哂啲记者编辑再打包外判报导，你就知道传媒经营有几困难。

Facebook 只要继续保持到佢传播慨领导地位，就算大家每日睇少 Facebook 两三分钟，佢可以继续赚广告商钱，盘满砵满。

啲人唔想用 Facebook？父母辈必用慨 WhatsApp 系佢慨，Double May同ptgf 最爱慨 Instagram 又系佢慨，利用传播渠道来赚钱呢样嘢，Facebook 都铺好哂路。就算 Facebook 下滑，佢一样有 Instagram 及 WhatsApp 两手牌，其实都几稳阵。